koī markaz se alag hai koī mehvar se alag
aadmī ḳhud ho gayā hai apne paikar se alag

kitne ḳhānoñ meñ baTā hai ahd-e-nau kā aadmī
koī bāhar se judā hai koī andar se alag

be-libāsī ke sivā ab kuchh nazar aatā nahīñ
is qadar hai jism ḳhuddārī kī chādar se alag

dāġh-e-dil kashmīr kā gujrāt kā dil dardnāk
hādisa koī kahāñ hai chhe december se alag

band thiiñ almāriyoñ meñ chāhatoñ kī fileñ
kis ne kī 'aḳhtar' ye dastāvez daftar se alag

koi markaz se alag hai koi mehwar se alag
aadmi KHud ho gaya hai apne paikar se alag

kitne KHanon mein baTa hai ahd-e-nau ka aadmi
koi bahar se juda hai koi andar se alag

be-libasi ke siwa ab kuchh nazar aata nahin
is qadar hai jism KHuddari ki chadar se alag

dagh-e-dil kashmir ka gujraat ka dil dardnak
hadisa koi kahan hai chhe december se alag

band thin almariyon mein chahaton ki filen
kis ne ki 'aKHtar' ye dastawez daftar se alag