Subscribe to our newsletter and get our newest updates

Wafa Naqvi

  • Ghazal


ye aarzu hai raat ka manzar dikhai de


ye aarzū hai raat kā manzar dikhā.ī de
phir āsmāñ kā chāñd zamīñ par dikhā.ī de

ham sair kar rahe haiñ ḳhalāoñ kī rāt-din
mumkin nahīñ ki koī samundar dikhā.ī de

merī shahādatoñ kā karishma to dekhiye
ab to lahū kī buuñd bhī ḳhanjar dikhā.ī de

mujh ko safar qubūl hai lekin hai ek shart
maiñ jis taraf bhī jā.ūñ mirā ghar dikhā.ī de

muddat se pāniyoñ kā safar kar rahe haiñ log
yārab kahīñ to koī payambar dikhā.ī de

ye aarzu hai raat ka manzar dikhai de
phir aasman ka chand zamin par dikhai de

hum sair kar rahe hain KHalaon ki raat-din
mumkin nahin ki koi samundar dikhai de

meri shahadaton ka karishma to dekhiye
ab to lahu ki bund bhi KHanjar dikhai de

mujh ko safar qubul hai lekin hai ek shart
main jis taraf bhi jaun mera ghar dikhai de

muddat se paniyon ka safar kar rahe hain log
yarab kahin to koi payambar dikhai de


Source: Book : Naqsh-e-karachi (Pg. 119) Author : Shahid Dehlvi,Shams Zubairi Publication : Adbi Digest (26 September 1960) Edition : 26 September 1960

Leave a comment

+