Subscribe to our newsletter and get our newest updates

Hajra Noor Zaryab

  • Ghazal


muddaton se udas baiThi hun


muddatoñ se udaas baiThī huuñ
le ke tasvīr-e-yās baiThī huuñ

tishnagī kā gila karūñ kis se
jab maiñ dariyā ke paas baiThī

jis pe tahzīb ke sitāre haiñ
maiñ vo pahne libās baiThī huuñ

bint-e-havvā pe har taraf ḳhatra
mahv-e-ḳhauf-o-hirās baiThī huuñ

sūkhe hoñToñ ko dekhte kyā ho
le ke sadiyoñ kī pyaas baiThī huuñ

jaan jaa.e yā ye rahe 'zaryāb'
haq hai ki haq-shanās baiThī huuñ

muddaton se udas baiThi hun
le ke taswir-e-yas baiThi hun

tishnagi ka gila karun kis se
jab main dariya ke pas baiThi

jis pe tahzib ke sitare hain
main wo pahne libas baiThi hun

bint-e-hawwa pe har taraf KHatra
mahw-e-KHauf-o-hiras baiThi hun

sukhe honTon ko dekhte kya ho
le ke sadiyon ki pyas baiThi hun

jaan jae ya ye rahe 'zaryab'
haq hai ki haq-shanas baiThi hun


Leave a comment

+