ai sabā kah bahār kī bāteñ
is but-e-gul-ezār kī bāteñ

kis pe chhoḌe nigāh kā shahbāz
kyā kare hai shikār kī bāteñ

mehrbānī siiñ yā hoñ ġhusse siiñ
pyārī lagtī haiñ yaar kī bāteñ

chhoḌte kab haiñ naqd-e-dil kuuñ sanam
jab ye karte haiñ pyaar kī bāteñ

pūchhiye kuchh kaheñ haiñ kuchh 'nājī'
aa paḌīñ rozgār kī bāteñ

ai saba kah bahaar ki baaten
is but-e-gul-ezar ki baaten

kis pe chhoDe nigah ka shahbaz
kya kare hai shikar ki baaten

mehrbani sin ya hon ghusse sin
pyari lagti hain yar ki baaten

chhoDte kab hain naqd-e-dil kun sanam
jab ye karte hain pyar ki baaten

puchhiye kuchh kahen hain kuchh 'naji'
aa paDin rozgar ki baaten

Source: Book : Ibaraten (Pg. 43)