tirī qurbateñ haiñ sakūñ jān-e-jānāñ
vagarna mohabbat junūñ jān-e-jānāñ

jo sochūñ maiñ hālāt apne vatan ke
ragoñ meñ se ristā hai ḳhuuñ jān-e-jānāñ

abhī tak ghanerī sī chādar meñ huuñ maiñ
kisī zulf kā hai fusūñ jān-e-jānāñ

fasāne mohabbat ke zinda raheñge
maiñ likkhūñ na chāhe likhūñ jān-e-jānāñ

tumhārī mohabbat kā ab bhī qasam se
mire chaar sū hai fusūñ jān-e-jānāñ

ḳharīdār tū ho to ḳhvāhish hai merī
ki yūsuf ke tarah bikūñ jān-e-jānāñ

zamāna to kahtā hai kahtā rahegā
ye yuuñ hai ye yuuñ hai ye yuuñ jān-e-jānāñ

teri qurbaten hain sakun jaan-e-jaanan
wagarna mohabbat junun jaan-e-jaanan

jo sochun main haalat apne watan ke
ragon mein se rista hai KHun jaan-e-jaanan

abhi tak ghaneri si chadar mein hun main
kisi zulf ka hai fusun jaan-e-jaanan

fasane mohabbat ke zinda rahenge
main likkhun na chahe likhun jaan-e-jaanan

tumhaari mohabbat ka ab bhi qasam se
mere chaar su hai fusun jaan-e-jaanan

KHaridar tu ho to KHwahish hai meri
ki yusuf ke tarah bikun jaan-e-jaanan

zamana to kahta hai kahta rahega
ye yun hai ye yun hai ye yun jaan-e-jaanan