har choT par zamāne kī ham muskurā.e haiñ
lekin tire ḳhayāl meñ aañsū bahā.e haiñ

had ko pahuñch ga.ī hai mirī nā-mardiyāñ
manzil ke paas aa ke qadam Dagmagā.e haiñ

ai zulf-e-kā.enāt tujhe kyā ḳhabar ki ham
kin pech o ḳham se chhuT ke tire paas aa.e haiñ

ai jān-e-kā.enāt tire intizār meñ
ham ne ka.ī charāġh jalā.e bujhā.e haiñ

jo chal paḌe the azm-e-safar le ke thak ga.e
jo laḌkhaḌā rahe the vo manzil pe aa.e haiñ

'hairat' nizām-e-kohna kī tārīkiyoñ meñ bhī
ham ne nizām-e-tāza ke dīpak jalā.e haiñ

har choT par zamane ki hum muskurae hain
lekin tere KHayal mein aansu bahae hain

had ko pahunch gai hai meri na-mardiyan
manzil ke pas aa ke qadam Dagmagae hain

ai zulf-e-kaenat tujhe kya KHabar ki hum
kin pech o KHam se chhuT ke tere pas aae hain

ai jaan-e-kaenat tere intizar mein
hum ne kai charagh jalae bujhae hain

jo chal paDe the azm-e-safar le ke thak gae
jo laDkhaDa rahe the wo manzil pe aae hain

'hairat' nizam-e-kohna ki tarikiyon mein bhi
hum ne nizam-e-taza ke dipak jalae hain