chashm-e-maigūñ zarā idhar kar de
dast-e-qudrat ko be-asar kar de
tez hai aaj dard-e-dil saaqī
talḳhi-e-mai ko tez-tar kar de
josh-e-vahshat hai tishna-kām abhī
chāk-e-dāman ko tā jigar kar de
merī qismat se khelne vaale
mujh ko qismat se be-ḳhabar kar de
luT rahī hai mirī matā-e-niyāz
kaash vo is taraf nazar kar de
'faiz' takmīl-e-ārzū mālūm
ho sake to yūñhī basar kar de
chashm-e-maigun zara idhar kar de
dast-e-qudrat ko be-asar kar de
tez hai aaj dard-e-dil saqi
talKHi-e-mai ko tez-tar kar de
josh-e-wahshat hai tishna-kaam abhi
chaak-e-daman ko ta jigar kar de
meri qismat se khelne wale
mujh ko qismat se be-KHabar kar de
luT rahi hai meri mata-e-niyaz
kash wo is taraf nazar kar de
'faiz' takmil-e-arzu malum
ho sake to yunhi basar kar de
Pachas Sala Intekhab"
Leave a comment