Subscribe to our newsletter and get our newest updates

Faisal Azeem

  • Ghazal


taswir-e-na-mukammal ek tishnagi ka KHaka


tasvīr-e-nā-mukammal ik tishnagī kā ḳhāka
par phaḌphaḌā rahā hai anqā mirī sadā kā

sab kyoñ dikhā rahe haiñ mauhūm sī ḳharāsheñ
pūchhā thā sirf maiñ ne bīmār se davā kā

dīvāngī nahīñ jo chhū chhū ke dekhtā huuñ
āñkheñ hī ab milī haiñ andhā thā maiñ sadā kā

hāthoñ ko jaane kab se bas dho.e jā rahā huuñ
saada se canvas par saaya sā hai havā kā

chheḌo na in ragoñ ko shāḳheñ ye phuul sī haiñ
marham na mil sakegā phir zaḳhm-e-nāravā kā

vahmoñ kī sau haiñ shakleñ lakḌī ke ek ghar meñ
kyā kyā nahīñ dikhātā ye raat kā khaTākā

ik be-dimāġh hāthī lashkar se aa milā hai
ab ye dimāġh hogā lashkar ke naqsh-e-pā kā

taswir-e-na-mukammal ek tishnagi ka KHaka
par phaDphaDa raha hai anqa meri sada ka

sab kyon dikha rahe hain mauhum si KHarashen
puchha tha sirf main ne bimar se dawa ka

diwangi nahin jo chhu chhu ke dekhta hun
aankhen hi ab mili hain andha tha main sada ka

hathon ko jaane kab se bas dhoe ja raha hun
sada se canwas par saya sa hai hawa ka

chheDo na in ragon ko shaKHen ye phul si hain
marham na mil sakega phir zaKHm-e-narawa ka

wahmon ki sau hain shaklen lakDi ke ek ghar mein
kya kya nahin dikhata ye raat ka khaTaka

ek be-dimagh hathi lashkar se aa mila hai
ab ye dimagh hoga lashkar ke naqsh-e-pa ka


Source:

Leave a comment

+