dhuāñ sā koī havāoñ meñ sarsarā.egā kuchh
phir is ke ba.ad tujhe bhī nazar na aa.egā kuchh

maiñ jāntā huuñ kahāñ tak hai dastaras us kī
jo biit jaa.e vahī sab pe āzmā.egā kuchh

fasīl-e-sañg kī mahdūdiyat halākat hai
uḌā de ḳhud ko havā meñ to sansanā.egā kuchh

tū pāniyoñ meñ zarā aise haath paañv na maar
nikalnā duur rahā aur Duub jā.egā kuchh

dhuan sa koi hawaon mein sarsaraega kuchh
phir is ke baad tujhe bhi nazar na aaega kuchh

main jaanta hun kahan tak hai dastaras us ki
jo bit jae wahi sab pe aazmaega kuchh

fasil-e-sang ki mahdudiyat halakat hai
uDa de KHud ko hawa mein to sansanaega kuchh

tu paniyon mein zara aise hath panw na mar
nikalna dur raha aur Dub jaega kuchh

Source: Shab Khoon(Shumara Number-064)