Subscribe to our newsletter and get our newest updates

Gauhar Hoshiyarpuri

  • Ghazal

ye sahra-e-talab ya besha-e-ashufta-haali hai


ye sahrā-e-talab yā besha-e-āshufta-hālī hai
koī daryūza-gar apnā koī terā savālī hai

havādis se nabard-ārā.iyoñ kā kis ko yaarā thā
junūñ apnā salāmat jis ne har uftād Taalī hai

tire aġhmāz kī ḳhū siikh lī ahl-e-muravvat ne
ki mahfil dard kī ab sāhab-e-mahfil se ḳhālī hai

huzūrī ho ki mahjūrī mohabbat kam nahīñ us se
tab apnā baḳht-e-ālī thā ab apnā zarf-e-ālī hai

numū kā josh kuchh nazzāra-farmā ho to ho varna
bahār ab ke baras ḳhud pa.imāl-e-ḳhushk-sālī hai

kisī ke lutf-e-kam ko der lagtī hai sivā hote
chaTakne tak to har gul kī jibillat infi.ālī hai

sharaf itnā ki 'ġhālib' kī zamīñ meñ hai ġhazal 'gauhar'
vo mazmūñ-āfrīnī hai na vo nāzuk-ḳhayālī hai

ye sahra-e-talab ya besha-e-ashufta-haali hai
koi daryuza-gar apna koi tera sawali hai

hawadis se nabard-araiyon ka kis ko yara tha
junun apna salamat jis ne har uftad Tali hai

tere aghmaz ki KHu sikh li ahl-e-murawwat ne
ki mahfil dard ki ab sahab-e-mahfil se KHali hai

huzuri ho ki mahjuri mohabbat kam nahin us se
tab apna baKHt-e-ali tha ab apna zarf-e-ali hai

numu ka josh kuchh nazzara-farma ho to ho warna
bahaar ab ke baras KHud paimal-e-KHushk-sali hai

kisi ke lutf-e-kam ko der lagti hai siwa hote
chaTakne tak to har gul ki jibillat infiali hai

sharaf itna ki 'ghaalib' ki zamin mein hai ghazal 'gauhar'
wo mazmun-afrini hai na wo nazuk-KHayali hai


Source: Book : Waraq-e-Saadah (Ghazals) (Pg. 21) Author : Hamdam Kashmiri Publication : Sayed Ameen Ashraf (2012) Edition : 2012

Leave a comment

+