Subscribe to our newsletter and get our newest updates

Jameela Khuda Bakhsh

  • Ghazal


dard-e-dil wo hai ki rahat se sarokar nahin


dard-e-dil vo hai ki rāhat se sarokār nahīñ
tāqat-e-sabr nahīñ quvvat-e-guftār nahīñ

teġh-e-abrū ko sambhālo maiñ jhukā.ūñ gardan
jaan dene se to jāñ-bāz ko inkār nahīñ

duuñ maiñ kis chiiz se tashbīh tahayyur hai mujhe
sūrat-e-gul to mirā zaḳhm-e-dil-e-zār nahīñ

kaisī mushkil meñ phañsāyā hai mohabbat ne mujhe
baiThnā jabr hai aur tāqat-e-raftār nahīñ

kis liye maiñ dil-e-sad-chāk rakhūñ pahlū meñ
gesū-e-yār ko shāne se sarokār nahīñ

dil vo kis kā hai nahīñ jo tire qadmoñ pe nisār
kaun hai vo jo tirā tālib-e-dīdār nahīñ

dahr-e-fānī meñ pareshān hai saarī ḳhilqat
aisā koī hai jo majmū-e-afkar nahīñ

nāḳhun-e-dasht-e-junūñn dekhiye kyā kartā hai
dāman-o-jeb-o-garebāñ meñ koī taar nahīñ

gar vahāñ jaao 'jamīla' to ye kahnā us se
go maiñ kāhīda huuñ par ishq tirā baar nahīñ

dard-e-dil wo hai ki rahat se sarokar nahin
taqat-e-sabr nahin quwwat-e-guftar nahin

tegh-e-abru ko sambhaalo main jhukaun gardan
jaan dene se to jaan-baz ko inkar nahin

dun main kis chiz se tashbih tahayyur hai mujhe
surat-e-gul to mera zaKHm-e-dil-e-zar nahin

kaisi mushkil mein phansaya hai mohabbat ne mujhe
baiThna jabr hai aur taqat-e-raftar nahin

kis liye main dil-e-sad-chaak rakhun pahlu mein
gesu-e-yar ko shane se sarokar nahin

dil wo kis ka hai nahin jo tere qadmon pe nisar
kaun hai wo jo tera talib-e-didar nahin

dahr-e-fani mein pareshan hai sari KHilqat
aisa koi hai jo majmu-e-afkar nahin

naKHun-e-dasht-e-jununn dekhiye kya karta hai
daman-o-jeb-o-gareban mein koi tar nahin

gar wahan jao 'jamila' to ye kahna us se
go main kahida hun par ishq tera bar nahin


Source: Rooh-e-Ghazal,Pachas Sala Intekhab

Leave a comment

+