Subscribe to our newsletter and get our newest updates

Imam Azam

  • Ghazal


qad baDhane ke liye baunon ki basti mein chalo


qad baḌhāne ke liye baunoñ kī bastī meñ chalo
ye nahīñ mumkin to phir bachchoñ kī bastī meñ chalo

sabr kī chādar ko oḌhe ḳhvāb-gāhoñ meñ raho
sach kī duniyā chhoḌ kar va.adoñ kī bastī meñ chalo

jab bhī tanhā.ī ke hañgāmoñ se dam ghuTne lage
bhiiḌ meñ gum ho ke an-jānoñ kī bastī meñ chalo

Daal rakkhī hai ḳhirad-mandoñ ne chehroñ par naqāb
is liye kahtā huuñ dīvānoñ kī bastī meñ chalo

uñgliyoñ kī zarb se sāz-e-sukūñ ko toḌ kar
jab junūñ had se baḌhe, rishtoñ kī bastī meñ chalo

ik tumhārī ye qayādat mo'tabar rah jā.egī
haath meñ patthar liye shīshoñ kī bastī meñ chalo

bhiiḌ se 'āzam' yahāñ milnā-milānā chhoḌ kar
martaba ke vāste pardoñ kī bastī meñ chalo

qad baDhane ke liye baunon ki basti mein chalo
ye nahin mumkin to phir bachchon ki basti mein chalo

sabr ki chadar ko oDhe KHwab-gahon mein raho
sach ki duniya chhoD kar wadon ki basti mein chalo

jab bhi tanhai ke hangamon se dam ghuTne lage
bhiD mein gum ho ke an-jaanon ki basti mein chalo

Dal rakkhi hai KHirad-mandon ne chehron par naqab
is liye kahta hun diwanon ki basti mein chalo

ungliyon ki zarb se saz-e-sukun ko toD kar
jab junun had se baDhe, rishton ki basti mein chalo

ek tumhaari ye qayaadat mo'tabar rah jaegi
hath mein patthar liye shishon ki basti mein chalo

bhiD se 'azam' yahan milna-milana chhoD kar
martaba ke waste pardon ki basti mein chalo


Source: Book : Rang-e-sabat (Pg. 107) Author : Zafar Ansari Zafar Publication : Maktaba Jamia, Jamia Nagar, New Delhi (2010) Edition : 2010

Leave a comment

+