dīvāna-pan aur bekārī miltī hai
ishq meñ aksar aisī ḳhvārī miltī hai

log pata hai kyuuñ itne dīvāne haiñ
ik model se shakl tumhārī miltī hai

kabhī kabhī to sher bhī hone lagte haiñ
dil kī choT se ḳhush-guftārī miltī hai

life nahīñ hai bed-of-roses yaad rakho
rasta chalte sau dushvārī miltī hai

aur kisī se miltī hai vo shāmoñ ko
jis laḌkī se soch hamārī miltī hai

us ke naaz uThāne ko ham baiThe haiñ
dekhiye kab ye zimmedārī miltī hai

diwana-pan aur bekari milti hai
ishq mein aksar aisi KHwari milti hai

log pata hai kyun itne diwane hain
ek model se shakl tumhaari milti hai

kabhi kabhi to sher bhi hone lagte hain
dil ki choT se KHush-guftari milti hai

life nahin hai bed-of-roses yaad rakho
rasta chalte sau dushwari milti hai

aur kisi se milti hai wo shamon ko
jis laDki se soch hamari milti hai

us ke naz uThane ko hum baiThe hain
dekhiye kab ye zimmedari milti hai

Source: Kulliyat-e-Wali