Subscribe to our newsletter and get our newest updates

Taban Abdul Hai

  • Ghazal


main ho ke tere gham se nashad bahut roya


maiñ ho ke tire ġham se nāshād bahut royā
rātoñ ke ta.iiñ kar ke fariyād bahut royā

hasrat meñ diyā jī ko mehnat kī na hui rāhat
maiñ haal tirā sun kar farhād bahut royā

gulshan se vo juuñ laayā bulbul ne diyā jī ko
qismat ke upar apnī sayyād bahut royā

nashtar to lagātā thā par ḳhuuñ na nikaltā thā
kar fasd mirī āḳhir fassād bahut royā

kar qatl mujhe un ne aalam meñ bahut DhūñDā
jab mujh sā na kui paayā jallād bahut royā

jab yaar mirā bigḌā ḳhat aa.e se ai 'tābāñ'
tab husn ko maiñ us ke kar yaad bahut royā

main ho ke tere gham se nashad bahut roya
raaton ke tain kar ke fariyaad bahut roya

hasrat mein diya ji ko mehnat ki na hui rahat
main haal tera sun kar farhad bahut roya

gulshan se wo jun laya bulbul ne diya ji ko
qismat ke upar apni sayyaad bahut roya

nashtar to lagata tha par KHun na nikalta tha
kar fasd meri aaKHir fassad bahut roya

kar qatl mujhe un ne aalam mein bahut DhunDa
jab mujh sa na kui paya jallad bahut roya

jab yar mera bigDa KHat aae se ai 'taban'
tab husn ko main us ke kar yaad bahut roya


Leave a comment

+