Subscribe to our newsletter and get our newest updates

Baldev singh Hamdam

  • Ghazal


gulon ke dam-e-mohabbat mein aa raha hun main


guloñ ke dām-e-mohabbat meñ aa rahā huuñ maiñ
fareb husn-e-majāzī kā khā rahā huuñ maiñ

kisī ke husn kī tasvīr khīñch kar dil meñ
tasavvurāt kī mahfil sajā rahā huuñ maiñ

mujhe talab hī nahīñ hai kisī masarrat kī
ḳhushī samajh ke tirā ġham uThā rahā huuñ maiñ

guloñ kī bazm se mujh ko na thī koī raġhbat
tumhārā naqsh-e-qadam DhūñDhtā rahā huuñ maiñ

safīna ġham kā liye jā.egā kahāñ yārab
muhīt-e-zīst meñ bahtā hī jā rahā huuñ maiñ

baqā kī fikr na andesha-e-fanā 'hamdam'
ḳhudā ke jalve meñ ḳhud ko samā rahā huuñ maiñ

gulon ke dam-e-mohabbat mein aa raha hun main
fareb husn-e-majazi ka kha raha hun main

kisi ke husn ki taswir khinch kar dil mein
tasawwuraat ki mahfil saja raha hun main

mujhe talab hi nahin hai kisi masarrat ki
KHushi samajh ke tera gham uTha raha hun main

gulon ki bazm se mujh ko na thi koi raghbat
tumhaara naqsh-e-qadam DhunDhta raha hun main

safina gham ka liye jaega kahan yarab
muhit-e-zist mein bahta hi ja raha hun main

baqa ki fikr na andesha-e-fana 'hamdam'
KHuda ke jalwe mein KHud ko sama raha hun main


Source: Book : Intekhab-e-Sukhan(Jild-2) (Pg. 193) Author : Hasrat Mohani Publication : uttar pradesh urdu academy (1983) Edition : 1983

Leave a comment

+