Subscribe to our newsletter and get our newest updates

Iliyas Babar Aawan

  • Ghazal


bagh ek din ka hai so raat nahin aane ki


baaġh ik din kā hai so raat nahīñ aane kī
vo parī phir se mire haat nahīñ aane kī

ab vo laḌkī nahīñ aane kī mire college meñ
ab ke multān se sauġhāt nahīñ aane kī

tum chalī jaao ye patthar nahīñ pahle jaisā
aañkh se jū-e-munājāt nahīñ aane kī

ab jo ye vasl hai is vasl ko be-kār samajh
ham pe rañgīnī-e-hālāt nahīñ aane kī

dekh lo khol ke khiḌkī ki zarā der haiñ ham
dūsrī baar ye bārāt nahīñ aane kī

ab tire ba.ad faqat aab hī utregā yahāñ
ab ke barsāt meñ barsāt nahīñ aane kī

bagh ek din ka hai so raat nahin aane ki
wo pari phir se mere hat nahin aane ki

ab wo laDki nahin aane ki mere college mein
ab ke multan se saughat nahin aane ki

tum chali jao ye patthar nahin pahle jaisa
aankh se ju-e-munajat nahin aane ki

ab jo ye wasl hai is wasl ko be-kar samajh
hum pe rangini-e-haalat nahin aane ki

dekh lo khol ke khiDki ki zara der hain hum
dusri bar ye baraat nahin aane ki

ab tere baad faqat aab hi utrega yahan
ab ke barsat mein barsat nahin aane ki


Leave a comment

+