Subscribe to our newsletter and get our newest updates

Fakhruddin Khan Mahir

  • Ghazal


liye main qadam jo uske to kiya itab ulTa


liye maiñ qadam jo us ke to kiyā itaab ulTā
kahī baat maiñ ne sīdhī to diyā javāb ulTā

vo jo ġhair haiñ so un se tumheñ be-takallufī hai
hameñ dekh kar ke ab tum karo ho hijāb ulTā

ye vo daur hai azīzo hai najīb gardī is meñ
chalī baad ab vo jis se varaq-e-kitāb ulTā

vahīñ mehr zarra ho kar lagā aañkh ko jhapakne
lab-e-bām un ne ruḳh se jo sahar naqāb ulTā

maiñ talāsh meñ kal us ke phirā dar-ba-dar vo 'māhir'
na milā to ghar ko apne maiñ phirā ḳharāb ulTā

liye main qadam jo us ke to kiya itab ulTa
kahi baat main ne sidhi to diya jawab ulTa

wo jo ghair hain so un se tumhein be-takallufi hai
hamein dekh kar ke ab tum karo ho hijab ulTa

ye wo daur hai azizo hai najib gardi is mein
chali baad ab wo jis se waraq-e-kitab ulTa

wahin mehr zarra ho kar laga aankh ko jhapakne
lab-e-baam un ne ruKH se jo sahar naqab ulTa

main talash mein kal us ke phira dar-ba-dar wo 'mahir'
na mila to ghar ko apne main phira KHarab ulTa


Leave a comment

+