Subscribe to our newsletter and get our newest updates

Devmani pandey

  • Ghazal


jab bhi chali hai teri baat


jab bhī chalī hai terī baat
hoñToñ par machle naġhmāt

chāñd khile jab rātoñ meñ
aa.e yādoñ kī bārāt

maanā terā saath nahīñ
lekin ġham hai apne saath

rut bhī nahīñ ye sāvan kī
dāman dāman hai barsāt

jis insāñ ne himmat kī
badle haiñ us ke hālāt

jab bhi chali hai teri baat
honTon par machle naghmat

chand khile jab raaton mein
aae yaadon ki baraat

mana tera sath nahin
lekin gham hai apne sath

rut bhi nahin ye sawan ki
daman daman hai barsat

jis insan ne himmat ki
badle hain us ke haalat


Source: Book : Nuskha Hai Wafa (Pg. 547)

Leave a comment

+