Subscribe to our newsletter and get our newest updates

Habeeb Moosavi

  • Ghazal


lais ho kar jo mera tark-e-jafa-kar chale


lais ho kar jo mirā tark-e-jafā-kār chale
saikḌoñ ḳhuun hoñ har gaam pe talvār chale

nā-tavānī ne unheñ dariyā pe jaane na diyā
uTh ke sau baar gire raah meñ sau baar chale

terā kūcha hai vo ai but ki hazāroñ zāhid
Daal ke sub.ha meñ yaañ rishta-e-zunnār chale

ai shah-e-husn mukaddar na ho gar terā mizāj
ḳhaak apnī bhī jilau meñ pas-e-rahvār chale

sun ke ye garmī-e-bāzār terī ai yūsuf
naqd-e-jāñ rakh ke hathelī pe ḳharīdār chale

hai yaqīñ hashr meñ bhī ek nayā mahshar ho
uTh ke gar kākul-e-jānāñ ke giraftār chale

fasl-e-gul aa.ī uThā abr chalī sard havā
sū-e-mai-ḳhāna akaḌte hue mai-ḳhvār chale

hogā ehsāñ pa.e gul-gasht agar tū sayyād
saath le kar qafas-e-murġh-e-giraftār chale

der se baiThe the mushtāq-e-suḳhan sab ye 'habīb'
dekh uThte hī tere bazm se huzzār chale

lais ho kar jo mera tark-e-jafa-kar chale
saikDon KHun hon har gam pe talwar chale

na-tawani ne unhen dariya pe jaane na diya
uTh ke sau bar gire rah mein sau bar chale

tera kucha hai wo ai but ki hazaron zahid
Dal ke subha mein yan rishta-e-zunnar chale

ai shah-e-husn mukaddar na ho gar tera mizaj
KHak apni bhi jilau mein pas-e-rahwar chale

sun ke ye garmi-e-bazar teri ai yusuf
naqd-e-jaan rakh ke hatheli pe KHaridar chale

hai yaqin hashr mein bhi ek naya mahshar ho
uTh ke gar kakul-e-jaanan ke giraftar chale

fasl-e-gul aai uTha abr chali sard hawa
su-e-mai-KHana akaDte hue mai-KHwar chale

hoga ehsan pae gul-gasht agar tu sayyaad
sath le kar qafas-e-murgh-e-giraftar chale

der se baiThe the mushtaq-e-suKHan sab ye 'habib'
dekh uThte hi tere bazm se huzzar chale


Source: Funoon(Jadeed Ghazal Number: Volume-002)

Leave a comment

+