Subscribe to our newsletter and get our newest updates

Yasmin Husaini Zaidi Nikhat

  • Ghazal


mohabbaten to milin go wafa mili na mili


mohabbateñ to milīñ go vafā milī na milī
safar hasīn thā manzil kā kyā milī na milī

na dostoñ se tavaqqo na dushmanoñ se gurez
ye dil thā gor-e-ġharībāñ sham.a jalī na jalī

ajab sā habs hai insāniyat ke zehnoñ meñ
kise ho fikr ki bād-e-sabā chalī na chalī

tire visāl ke lamhoñ ko munjamid kar luuñ
shab-e-firāq kā kyā hai Dhalī Dhalī na Dhalī

hamārā ishq bhī had se guzarnā chāhtā hai
ki dil ho mahv-e-takallum nazar milī na milī

nahīñ hai fikr koī bāġhbān ko 'nik.hat'
bahār aa.ī na aa.ī kalī khilī na khilī

mohabbaten to milin go wafa mili na mili
safar hasin tha manzil ka kya mili na mili

na doston se tawaqqo na dushmanon se gurez
ye dil tha gor-e-ghariban shama jali na jali

ajab sa habs hai insaniyat ke zehnon mein
kise ho fikr ki baad-e-saba chali na chali

tere visal ke lamhon ko munjamid kar lun
shab-e-firaq ka kya hai Dhali Dhali na Dhali

hamara ishq bhi had se guzarna chahta hai
ki dil ho mahw-e-takallum nazar mili na mili

nahin hai fikr koi baghban ko 'nikhat'
bahaar aai na aai kali khili na khili


Source: Book : Quarterly TASTEER Lahore (Pg. 623) Author : Naseer Ahmed Nasir Publication : H.No.-21, Street No. 2, Phase II, Bahriya Town, Rawalpindi (Issue No. 1, 2, Jan To June.2011) Edition : Issue No. 1, 2, Jan To June.2011

Leave a comment

+