Subscribe to our newsletter and get our newest updates

Om Parkash Bajaj

  • Ghazal


dil hai betab iltija ke liye


dil hai betāb iltijā ke liye
chheḌ do baat ibtidā ke liye

bū-e-gul lūTtī luTātī hai
mashġhala ḳhuub hai sabā ke liye

mauj-e-tūfāñ meñ ab mirī kashtī
nāḳhudā chhoḌ de ḳhudā ke liye

hausle se jahāñ meñ sab kuchh hai
ye davā hai har ik balā ke liye

terī rahmat pe harf aatā hai
haath uTheñ agar duā ke liye

shahr meñ dasht meñ pahāḌoñ meñ
ham bhaTakte phire vafā ke liye

dil hai betab iltija ke liye
chheD do baat ibtida ke liye

bu-e-gul luTti luTati hai
mashghala KHub hai saba ke liye

mauj-e-tufan mein ab meri kashti
naKHuda chhoD de KHuda ke liye

hausle se jahan mein sab kuchh hai
ye dawa hai har ek bala ke liye

teri rahmat pe harf aata hai
hath uThen agar dua ke liye

shahr mein dasht mein pahaDon mein
hum bhaTakte phire wafa ke liye


Source: Rooh-e-Ghazal,Pachas Sala Intekhab

Leave a comment

+