nazar kā mil ke Takrānā na tum bhūle na ham bhūle
mohabbat kā vo afsāna na tum bhūle na ham bhūle
satāyā thā hameñ kitnā zamāne ke taġhayyur ne
zamāne kā badal jaanā na tum bhūle na ham bhūle
bharī barsāt meñ paiham judā.ī ke tasavvur se
vo mil kar ashk barsānā na tum bhūle na ham bhūle
bahāreñ gulsitāñ kī raas jab ham ko na aa.ī thiiñ
ḳhizāñ se dil kā bahlānā na tum bhūle na ham bhūle
guzārīñ kitnī rāteñ gin ke taare dard-e-furqat meñ
judā.ī kā vo afsāna na tum bhūle na ham bhūle
fareb-e-ārzū khānā hī fitrat hai mohabbat kī
fareb-e-ārzū khānā na tum bhūle na ham bhūle
hañsī meñ kaTtī thiiñ rāteñ ḳhushī meñ din guzartā thā
'kañval' maazī kā afsāna na tum bhūle na ham bhūle
nazar ka mil ke Takrana na tum bhule na hum bhule
mohabbat ka wo afsana na tum bhule na hum bhule
sataya tha hamein kitna zamane ke taghayyur ne
zamane ka badal jaana na tum bhule na hum bhule
bhari barsat mein paiham judai ke tasawwur se
wo mil kar ashk barsana na tum bhule na hum bhule
bahaaren gulsitan ki ras jab hum ko na aai thin
KHizan se dil ka bahlana na tum bhule na hum bhule
guzarin kitni raaten gin ke tare dard-e-furqat mein
judai ka wo afsana na tum bhule na hum bhule
fareb-e-arzu khana hi fitrat hai mohabbat ki
fareb-e-arzu khana na tum bhule na hum bhule
hansi mein kaTti thin raaten KHushi mein din guzarta tha
'kanwal' mazi ka afsana na tum bhule na hum bhule
Source: Book : Kitab-e-Rafta (Pg. 96) Author : Firasat Rizvi Publication : Academy Bazyaft, Karachi Pakistan (2007) Edition : 2007
Leave a comment