chal paḌe to phir apnī dhun meñ be-ḳhabar barsoñ
lauT kar nahīñ dekhā ham ne apnā ghar barsoñ

jāda-e-havādis meñ chal ke dekh le koī
kaise tai kiyā ham ne maut kā safar barsoñ

barg-o-bār par us ke haq nahīñ hamārā hī
apne ḳhuun se sīñchā ham ne jo shajar barsoñ

jo sadaf samundar kī tah meñ chhān sakte the
DhūñDte rahe vo bhī ret meñ guhar barsoñ

dosto zarūrat par kaam aa gayā apne
dushmanoñ se sīkhā thā ham ne jo hunar barsoñ

jab mile rafīqoñ se zaḳhm hī mile ham ko
be-sabab rahā dil meñ dushmanoñ kā Dar barsoñ

vo bhī kyā ajab din the shauq-e-rah-navardī meñ
ham ne bhī zamāne kī sair kī 'zafar' barsoñ

chal paDe to phir apni dhun mein be-KHabar barson
lauT kar nahin dekha hum ne apna ghar barson

jada-e-hawadis mein chal ke dekh le koi
kaise tai kiya hum ne maut ka safar barson

barg-o-bar par us ke haq nahin hamara hi
apne KHun se sincha hum ne jo shajar barson

jo sadaf samundar ki tah mein chhan sakte the
DhunDte rahe wo bhi ret mein guhar barson

dosto zarurat par kaam aa gaya apne
dushmanon se sikha tha hum ne jo hunar barson

jab mile rafiqon se zaKHm hi mile hum ko
be-sabab raha dil mein dushmanon ka Dar barson

wo bhi kya ajab din the shauq-e-rah-nawardi mein
hum ne bhi zamane ki sair ki 'zafar' barson

Source: Intikhab-e-wajid ali shah akhtar