Subscribe to our newsletter and get our newest updates

Ehsan Danish

  • Ghazal


hangama-e-KHudi se tu be-niyaz ho ja


hañgāma-e-ḳhudī se tū be-niyāz ho jā
gum ho ke be-ḳhudī meñ āgāh-e-rāz ho jā

had bhī to chāhiye kuchh be-e'tinā.iyoñ kī
ġhārat-gar-e-tahammul taskīñ-navāz ho jā

ai sarmadī tarāne har shai meñ soz bhar de
ye kis ne kah diyā hai pāband-e-sāz ho jā

ġhairat kī chilmanoñ se āvāz aa rahī hai
mahv-e-niyāz-mandī aa be-niyāz ho jā

aa mil ke phir banā.eñ mai-ḳhāna-e-mohabbat
maiñ jur.a-kash banūñ tū paimāna-sāz ho jā

siine meñ soz ban kar kab tak chhupā rahegā
unvān-e-rāzdārī tafsīl-e-rāz ho jā

ab so chukī ummīdeñ ab thak chukīñ nigāheñ
jān-e-niyāz-mandī masrūf-e-nāz ho jā

soz-e-nazar se chhalkeñ naġhmāt-e-rāz-e-hastī
ai uqda-e-taġhāful rūdād-e-nāz ho jā

'ehsān' kaash uTTheñ ye rañg-o-bū ke parde
ai mahfil-e-haqīqat bazm-e-majāz ho jā

hangama-e-KHudi se tu be-niyaz ho ja
gum ho ke be-KHudi mein aagah-e-raaz ho ja

had bhi to chahiye kuchh be-e'tinaiyon ki
ghaarat-gar-e-tahammul taskin-nawaz ho ja

ai sarmadi tarane har shai mein soz bhar de
ye kis ne kah diya hai paband-e-saz ho ja

ghairat ki chilmanon se aawaz aa rahi hai
mahw-e-niyaz-mandi aa be-niyaz ho ja

aa mil ke phir banaen mai-KHana-e-mohabbat
main jura-kash banun tu paimana-saz ho ja

sine mein soz ban kar kab tak chhupa rahega
unwan-e-raazdari tafsil-e-raaz ho ja

ab so chuki ummiden ab thak chukin nigahen
jaan-e-niyaz-mandi masruf-e-naz ho ja

soz-e-nazar se chhalken naghmat-e-raaz-e-hasti
ai uqda-e-taghaful rudad-e-naz ho ja

'ehsan' kash uTThen ye rang-o-bu ke parde
ai mahfil-e-haqiqat bazm-e-majaz ho ja


Leave a comment

+