Subscribe to our newsletter and get our newest updates

Faez Dehlvi

  • Ghazal


mustamindan ko sataya na karo


mustamindāñ ko satāyā na karo
baat ko ham se durāyā na karo

dil shikanje meñ na Daalo merā
zulf ko gūñdh banāyā na karo

husn-e-be-sāḳhta bhātā hai mujhe
surma añkhiyāñ meñ lagāyā na karo

tum se mujh dil ko bahut hai ummīd
mujh se miskīñ ko kuḌhāyā na karo

be-dilāñ suuñ na phirā do mukhḌā
ham se tum aañkh churāyā na karo

muḳhlis apne ko na maaro nāhaq
haqq-e-iḳhlās bhulāyā na karo

ishq meñ 'fā.ez'-e-shaidā mumtāz
is kuuñ sab saath milāyā na karo

mustamindan ko sataya na karo
baat ko hum se duraya na karo

dil shikanje mein na Dalo mera
zulf ko gundh banaya na karo

husn-e-be-saKHta bhata hai mujhe
surma ankhiyan mein lagaya na karo

tum se mujh dil ko bahut hai ummid
mujh se miskin ko kuDhaya na karo

be-dilan sun na phira do mukhDa
hum se tum aankh churaya na karo

muKHlis apne ko na maro nahaq
haqq-e-iKHlas bhulaya na karo

ishq mein 'faez'-e-shaida mumtaz
is kun sab sath milaya na karo


Leave a comment

+