daraḳht ruuh ke jhūme parind gaane lage
hameñ udhar ke manāzir nazar bhī aane lage

ḳhush-āmdīd kā manzar ġhurūb-e-shām meñ thā
dar-e-shafaq pe farishte se muskurāne lage

firāq o vasl ke mā-bain ye samāñ jaise
udaas lai meñ koī hamd gungunāne lage

maiñ ek sā.at-e-be-ḳhud meñ chhū gayā thā jise
phir us ko lafz tak aate hue zamāne lage

ḳhabar ke moḌ pe sañg-e-nishāñ thī be-ḳhabarī
Thikāne aa.e mire hosh yā Thikāne lage

muhīb rāste sarhad kī samt jaate hue
zarā sā aur chale ham to vo suhāne lage

ik apne-āp se milnā thā 'sāz' jis ke liye
riqābateñ huiiñ darkār dostāne lage

daraKHt ruh ke jhume parind gane lage
hamein udhar ke manazir nazar bhi aane lage

KHush-amdid ka manzar ghurub-e-sham mein tha
dar-e-shafaq pe farishte se muskurane lage

firaq o wasl ke ma-bain ye saman jaise
udas lai mein koi hamd gungunane lage

main ek saat-e-be-KHud mein chhu gaya tha jise
phir us ko lafz tak aate hue zamane lage

KHabar ke moD pe sang-e-nishan thi be-KHabari
Thikane aae mere hosh ya Thikane lage

muhib raste sarhad ki samt jate hue
zara sa aur chale hum to wo suhane lage

ek apne-ap se milna tha 'saz' jis ke liye
riqabaten huin darkar dostane lage

Videos
This video is playing from YouTube Videos
This video is playing from YouTube Abdul Ahad Saaz RECITATIONS Abdul Ahad Saaz



00:00/00:00 daraKHt ruh ke jhume parind gane lage Abdul Ahad Saaz