Subscribe to our newsletter and get our newest updates

Hairat Farrukhabadi

  • Ghazal


zist ke bhed kholta hai kaun


ziist ke bhed kholtā hai kaun
mere andar ye boltā hai kaun

mere sheroñ meñ mere lafzoñ ko
motiyoñ sā ye roltā hai kaun

mere sheroñ meñ merī ġhazloñ meñ
apne asrār kholtā hai kaun

talḳh lamhoñ meñ lab se shīrīnī
mere kānoñ meñ gholtā hai kaun

chhīn lī kis ne merī tanhā.ī
merī rātoñ meñ Doltā hai kaun

kund ho jaatā hāfiza merā
us ko har pal TaToltā hai kaun

sher mere nahīñ haiñ ye 'hairat'
ḳhud samajh lo ye boltā hai kaun

zist ke bhed kholta hai kaun
mere andar ye bolta hai kaun

mere sheron mein mere lafzon ko
motiyon sa ye rolta hai kaun

mere sheron mein meri ghazlon mein
apne asrar kholta hai kaun

talKH lamhon mein lab se shirini
mere kanon mein gholta hai kaun

chhin li kis ne meri tanhai
meri raaton mein Dolta hai kaun

kund ho jata hafiza mera
us ko har pal TaTolta hai kaun

sher mere nahin hain ye 'hairat'
KHud samajh lo ye bolta hai kaun


Source: Funoon(Jadeed Ghazal Number: Volume-002)

Leave a comment

+