mah-ruḳhāñ kī jo mehrbānī hai
ye madad mujh pe āsmānī hai

rashk siiñ us ke saaf chehre ke
chashm par aa.ine kī paanī hai

daam meñ bul-havas ke aayā na.iiñ
kyuuñ ki ye baaz āshyānī hai

charb hai sham.a par jamāl us kā
sham.a kī raushnī zabānī hai

us ke ruḳhsār dekh jiitā huuñ
aarzī merī zindagānī hai

sirf sūrat kā band na.iiñ 'nājī'
āshiq-e-sāhab-e-ma.ānī hai

mah-ruKHan ki jo mehrbani hai
ye madad mujh pe aasmani hai

rashk sin us ke saf chehre ke
chashm par aaine ki pani hai

dam mein bul-hawas ke aaya nain
kyun ki ye baz aashyani hai

charb hai shama par jamal us ka
shama ki raushni zabani hai

us ke ruKHsar dekh jita hun
aarzi meri zindagani hai

sirf surat ka band nain 'naji'
aashiq-e-sahab-e-maani hai

Source: Book : Kulliyat-e-gopal mittal (Pg. 216) Author : Gopal Mittal Publication : Modern Publishing House, Daryaganj New delhi (1994) Edition : 1994