Subscribe to our newsletter and get our newest updates

Faizul Amin Faiz

  • Ghazal


hum kisi baat par nahin rote


ham kisī baat par nahīñ rote
apnī auqāt par nahīñ rote

tum agar hote karbalā vaale
jañg meñ maat par nahīñ rote

sub.h ko shaam kī nahīñ parvā
din bhī ab raat par nahīñ rote

zindagī un pe naaz kartī hai
jo bhī hālāt par nahīñ rote

hijr kā jashn ham manā.eñ kyā
sard jazbāt par nahīñ rote

un kā dil dil nahīñ hai patthar hai
jo fasādāt par nahīñ rote

hum kisi baat par nahin rote
apni auqat par nahin rote

tum agar hote karbala wale
jang mein mat par nahin rote

subh ko sham ki nahin parwa
din bhi ab raat par nahin rote

zindagi un pe naz karti hai
jo bhi haalat par nahin rote

hijr ka jashn hum manaen kya
sard jazbaat par nahin rote

un ka dil dil nahin hai patthar hai
jo fasadat par nahin rote


Source: Book : Kainat-e-Jalil Manakpuri (Pg. 45) Author : Ali Ahmad Jalili Publication : NCPUL, New Delhi (1999) Edition : 1999

Leave a comment

+