is tarah pī ke vo sharāb chale
josh meñ apne jaise aab chale
yuuñ vo parde meñ phirte chalte haiñ
jaise badlī meñ āftāb chale
us ke kūche meñ hone ko kāfir
aaj jaate haiñ shaiḳh-o-shabāb chale
is tarah sabr dil meñ aatā hai
chor juuñ paañv daab daab chale
is tarah pi ke wo sharab chale
josh mein apne jaise aab chale
yun wo parde mein phirte chalte hain
jaise badli mein aaftab chale
us ke kuche mein hone ko kafir
aaj jate hain shaiKH-o-shabab chale
is tarah sabr dil mein aata hai
chor jun panw dab dab chale
Source: Rooh-e-Ghazal,Pachas Sala Intekhab
Leave a comment