Subscribe to our newsletter and get our newest updates

Ghayas Anjum

  • Ghazal


chhupa hai karb-e-musalsal hawa ke lahje mein


chhupā hai karb-e-musalsal havā ke lahje meñ
koī to phuul khilā.e duā ke lahje meñ

maiñ us kī qadr karūñgā jo mere aiboñ ko
mire hī muñh pe kahe āshnā ke lahje meñ

zamāna aaj bhī qāsir hai ye samajhne se
safar kī baat huī kyuuñ havā ke lahje meñ

hamāre dard kā andāza us ko kyā hogā
ki ashk hote nahīñ haiñ vafā ke lahje meñ

hai e'tirāf ki akasr ulajh paḌe jis se
vo mehrbān huā hai duā ke lahje meñ

mirī nazar meñ rahā hai jo mohtaram 'anjum'
vahī hai mujh se muḳhātab sazā ke lahje meñ

chhupa hai karb-e-musalsal hawa ke lahje mein
koi to phul khilae dua ke lahje mein

main us ki qadr karunga jo mere aibon ko
mere hi munh pe kahe aashna ke lahje mein

zamana aaj bhi qasir hai ye samajhne se
safar ki baat hui kyun hawa ke lahje mein

hamare dard ka andaza us ko kya hoga
ki ashk hote nahin hain wafa ke lahje mein

hai e'tiraf ki akasr ulajh paDe jis se
wo mehrban hua hai dua ke lahje mein

meri nazar mein raha hai jo mohtaram 'anjum'
wahi hai mujh se muKHatab saza ke lahje mein


Source: Book : vo jo shairi ka sabab hua (Pg. 258) Author : Kaliim aajiz

Leave a comment

+