ajiib ḳhvāb thā us ke badan meñ kaa.ī thī
vo ik parī jo mujhe sabz karne aa.ī thī
vo ik charāg-kada jis meñ kuchh nahīñ thā mirā
jo jal rahī thī vo qindīl bhī parā.ī thī
na jaane kitne parindoñ ne is meñ shirkat kī
kal ek peḌ kī taqrīb-e-rū-numā.ī thī
havāv aao mire gaañv kī taraf dekho
jahāñ ye ret hai pahle yahāñ tarā.ī thī
kisī sipāh ne ḳheme lagā diye haiñ vahāñ
jahāñ pe maiñ ne nishānī tirī dabā.ī thī
gale milā thā kabhī dukh bhare december se
mire vajūd ke andar bhī dhund chhā.ī thī
ajib KHwab tha us ke badan mein kai thi
wo ek pari jo mujhe sabz karne aai thi
wo ek charag-kada jis mein kuchh nahin tha mera
jo jal rahi thi wo qindil bhi parai thi
na jaane kitne parindon ne is mein shirkat ki
kal ek peD ki taqrib-e-ru-numai thi
hawaw aao mere ganw ki taraf dekho
jahan ye ret hai pahle yahan tarai thi
kisi sipah ne KHeme laga diye hain wahan
jahan pe main ne nishani teri dabai thi
gale mila tha kabhi dukh bhare december se
mere wajud ke andar bhi dhund chhai thi
Leave a comment