hayāt-e-lā-ubālī mujh ko 'farhat' sāzgār aa.ī
ki istiġhnā meñ ishrat be-niyāz-e-iztirār aa.ī

sitam kī raah se jab bevafā.ī kāmgār aa.ī
to phir rāh-e-mohabbat se vafā kyuuñ sogvār aa.ī

fareb-e-yak tabassum se qabā-e-gul hai sad-pāra
shagūfoñ ke liye kyā kyā bharam le kar bahār aa.ī

mirī qismat mujhe manzil pe ab laa.ī to kyā hāsil
jo din the zindagī ke vo to raste meñ guzār aa.ī

ye kyā andāz-e-qassām-e-azal thā kyā navāzish thī
mire hissa meñ le de kar hayāt-e-musta.ār aa.ī

tahī kashkol-e-nargis aur hai sāġhar ba-kaf laala
ye kis andāz se ab ke bahār-e-kam-ayār aa.ī

mire kām-o-dahan kī āzmā.ish ke liye shāyad
mai-e-do-ātisha paiham ba-rañg-e-nūr-o-nār aa.ī

huī tauq-o-salāsil ko hamāre jab kabhī jumbish
sadā-e-rast-gārī ham ko 'farhat' baar baar aa.ī

hayat-e-la-ubaali mujh ko 'farhat' sazgar aai
ki istighna mein ishrat be-niyaz-e-iztirar aai

sitam ki rah se jab bewafai kaamgar aai
to phir rah-e-mohabbat se wafa kyun sogwar aai

fareb-e-yak tabassum se qaba-e-gul hai sad-para
shagufon ke liye kya kya bharam le kar bahaar aai

meri qismat mujhe manzil pe ab lai to kya hasil
jo din the zindagi ke wo to raste mein guzar aai

ye kya andaz-e-qassam-e-azal tha kya nawazish thi
mere hissa mein le de kar hayat-e-mustaar aai

tahi kashkol-e-nargis aur hai saghar ba-kaf lala
ye kis andaz se ab ke bahaar-e-kam-ayar aai

mere kaam-o-dahan ki aazmaish ke liye shayad
mai-e-do-atisha paiham ba-rang-e-nur-o-nar aai

hui tauq-o-salasil ko hamare jab kabhi jumbish
sada-e-rast-gari hum ko 'farhat' bar bar aai

Source: Shab Khoon(Shumara Number-057)