Subscribe to our newsletter and get our newest updates

Zafar Zaidi

  • Ghazal


hamare ghar ka ajib-o-gharib manzar hai


hamāre ghar kā ajīb-o-ġharīb manzar hai
kahīñ to aag lagī hai kahīñ samundar hai

vo fāsle haiñ ki miTte nahīñ kisī sūrat
safar kā bhuut shab-o-roz mere sar par hai

vo ek lafz jo unvān-e-guftugū bantā
vo ek lafz mirī dastaras se bāhar hai

kisī kī āhaTeñ dil ko hilā.e detī haiñ
zarūr koī mere jism-o-jāñ ke andar hai

hamare ghar ka ajib-o-gharib manzar hai
kahin to aag lagi hai kahin samundar hai

wo fasle hain ki miTte nahin kisi surat
safar ka bhut shab-o-roz mere sar par hai

wo ek lafz jo unwan-e-guftugu banta
wo ek lafz meri dastaras se bahar hai

kisi ki aahaTen dil ko hilae deti hain
zarur koi mere jism-o-jaan ke andar hai


Leave a comment

+