ummīd-e-sub.h-e-bahārāñ ḳhizāñ se khīñchte haiñ
ye tiir roz dil-e-nā-tavāñ se khīñchte haiñ

Kashīd-e-tishnā-labī qatra qatra piite haiñ
ye āb-e-talḳh ġham-e-raftagāñ se khīñchte haiñ

maiñ un se luqma-e-tayyab kī daad kyā chāhūñ
jo apnā rizq dahān-e-sagāñ se khīñchte haiñ

subū se lazzat-e-yak-gūnā lete haiñ lekin
ḳhumār-e-ḳhās lab-e-dostāñ se khīñchte haiñ

dikhā.ī paḌtā hai aadā meñ ek chehra-e-dost
so haath sāhibo saif o sināñ se khīñchte haiñ

ḳhayāl-e-tāzā se karte haiñ ḳhvāb-e-nau taḳhlīq
'zafar' zamīneñ na.ī āsmāñ se khīñchte haiñ

ummid-e-subh-e-bahaaran KHizan se khinchte hain
ye tir roz dil-e-na-tawan se khinchte hain

Kashid-e-tishna-labi qatra qatra pite hain
ye aab-e-talKH gham-e-raftagan se khinchte hain

main un se luqma-e-tayyab ki dad kya chahun
jo apna rizq dahan-e-sagan se khinchte hain

subu se lazzat-e-yak-guna lete hain lekin
KHumar-e-KHas lab-e-dostan se khinchte hain

dikhai paDta hai aada mein ek chehra-e-dost
so hath sahibo saif o sinan se khinchte hain

KHayal-e-taza se karte hain KHwab-e-nau taKHliq
'zafar' zaminen nai aasman se khinchte hain