Subscribe to our newsletter and get our newest updates

Nadeem ahmad

  • Ghazal


jahan pe hota hun aksar wahan nahin hota


jahāñ pe hotā huuñ aksar vahāñ nahīñ hotā
vahīñ talāsh karo maiñ jahāñ nahīñ hotā

agar tumhārī zabāñ se bayāñ nahīñ hotā
mirā vajūd kabhī dāstāñ nahīñ hotā

bichhaḌ gayā thā vo milne se pesh-tar varna
maiñ is tarah se kabhī rā.egāñ nahīñ hotā

nazar bachā ke nikalnā to chāhtā huuñ magar
vo kis jagah se hai ġhā.eb kahāñ nahīñ hotā

kabhī to yuuñ ki makāñ ke makīñ nahīñ hote
kabhī kabhī to makīñ kā makāñ nahīñ hotā

jahan pe hota hun aksar wahan nahin hota
wahin talash karo main jahan nahin hota

agar tumhaari zaban se bayan nahin hota
mera wajud kabhi dastan nahin hota

bichhaD gaya tha wo milne se pesh-tar warna
main is tarah se kabhi raegan nahin hota

nazar bacha ke nikalna to chahta hun magar
wo kis jagah se hai ghaeb kahan nahin hota

kabhi to yun ki makan ke makin nahin hote
kabhi kabhi to makin ka makan nahin hota


Leave a comment

+