us ko takte bhī nahīñ the pahle
ham bhī ḳhuddār the kitne pahle

us ko dekhā to ye mahsūs huā
ham bahut duur the ḳhud se pahle

dil nazar aate haiñ ab āñkhoñ meñ
kitne gahre the ye chashme pahle

kho.e rahte haiñ ab us kī dhun meñ
jis ko takte na the pahle pahle

ham ko pahchān liyā karte the
ye tire shahr ke raste pahle

ab ujāloñ meñ bhaTak jaate haiñ
vo samjhāte the añdhere pahle

ab na alfāz na ehsās na yaad
itne muflis na hue the pahle

rañg ke jaal meñ aate na kabhī
paas se dekh jo lete pahle

garm hañgāma-e-kāġhaz hai yahāñ
be-mahak phuul kahāñ the pahle

us ko takte bhi nahin the pahle
hum bhi KHuddar the kitne pahle

us ko dekha to ye mahsus hua
hum bahut dur the KHud se pahle

dil nazar aate hain ab aankhon mein
kitne gahre the ye chashme pahle

khoe rahte hain ab us ki dhun mein
jis ko takte na the pahle pahle

hum ko pahchan liya karte the
ye tere shahr ke raste pahle

ab ujalon mein bhaTak jate hain
wo samjhate the andhere pahle

ab na alfaz na ehsas na yaad
itne muflis na hue the pahle

rang ke jal mein aate na kabhi
pas se dekh jo lete pahle

garm hangama-e-kaghaz hai yahan
be-mahak phul kahan the pahle