ġham meñ rotā huuñ tire sub.h kahīñ shaam kahīñ
chāhne vaale ko hotā bhī hai ārām kahīñ

vasl ho vasl ilāhī ki mujhe taab nahīñ
duur huuñ duur mire hijr ke ayyām kahīñ

lag rahī haiñ tire āshiq kī jo āñkheñ chhat se
tuj ko dekhā thā magar un ne lab-e-bām kahīñ

āshiqoñ ke bhī laḌāne kī tujhe kyā Dhab hai
chashm-bāzī hai kahīñ bosa o paiġhām kahīñ

yamanī kī sī tarah laḳht-e-jigar par khodūñ
muj ko mālūm agar hove tirā naam kahīñ

hijr meñ us but-e-kāfir ke taḌapte haiñ paḌe
ahl-e-zunnār kahīñ sāhib-e-islām kahīñ

aarzū hai mire 'tābāñ' ko bhī ab ai qātil
ki bar aa.e tire hāthoñ se mirā kaam kahīñ

gham mein rota hun tere subh kahin sham kahin
chahne wale ko hota bhi hai aaram kahin

wasl ho wasl ilahi ki mujhe tab nahin
dur hun dur mere hijr ke ayyam kahin

lag rahi hain tere aashiq ki jo aankhen chhat se
tuj ko dekha tha magar un ne lab-e-baam kahin

aashiqon ke bhi laDane ki tujhe kya Dhab hai
chashm-bazi hai kahin bosa o paigham kahin

yamani ki si tarah laKHt-e-jigar par khodun
muj ko malum agar howe tera nam kahin

hijr mein us but-e-kafir ke taDapte hain paDe
ahl-e-zunnar kahin sahib-e-islam kahin

aarzu hai mere 'taban' ko bhi ab ai qatil
ki bar aae tere hathon se mera kaam kahin

RECITATIONS Fasih Akmal



00:00/00:00 gham mein rota hun tere subh kahin sham kahin Fasih Akmal