Subscribe to our newsletter and get our newest updates

Ghulam Rabbani Taban

  • Ghazal


zindagi dil pe ajab sehr sa karti jae


zindagī dil pe ajab sehr sā kartī jaa.e
ik jagah Thahrī lage aur guzartī jaa.e

āñsuoñ se koī āvāz ko nisbat na sahī
bhīgtī jaa.e to kuchh aur nikhartī jaa.e

dekhte dekhte dhundlā ga.e manzar saare
terī zulfoñ kī tarah shaam bikhartī jaa.e

baat kā raaz khule baat kā andāz khule
tere hoñToñ se chale dil meñ utartī jaa.e

rafta rafta kisī gum-nām lahū kī tahrīr
qātil-e-shahr ke dāman pe ubhartī jaa.e

ho ke barbād chale sehn-e-chaman se nik.hat
dasht-o-sahrā kī magar jholiyāñ bhartī jaa.e

maiñ ne kab da.avā-e-ilhām kiyā hai 'tābāñ'
likh diyā kartā huuñ jo dil pe guzartī jaa.e

zindagi dil pe ajab sehr sa karti jae
ek jagah Thahri lage aur guzarti jae

aansuon se koi aawaz ko nisbat na sahi
bhigti jae to kuchh aur nikharti jae

dekhte dekhte dhundla gae manzar sare
teri zulfon ki tarah sham bikharti jae

baat ka raaz khule baat ka andaz khule
tere honTon se chale dil mein utarti jae

rafta rafta kisi gum-nam lahu ki tahrir
qatil-e-shahr ke daman pe ubharti jae

ho ke barbaad chale sehn-e-chaman se nikhat
dasht-o-sahra ki magar jholiyan bharti jae

main ne kab dawa-e-ilham kiya hai 'taban'
likh diya karta hun jo dil pe guzarti jae


Leave a comment

+