Subscribe to our newsletter and get our newest updates

Etibar Sajid

  • Ghazal


mujhse muKHlis tha na waqif mere jazbaat se tha


mujh se muḳhlis thā na vāqif mire jazbāt se thā
us kā rishta to faqat apne mafādāt se thā

ab jo bichhḌā hai to kyā ro.eñ judā.ī pe tirī
yahī andesha hameñ pahlī mulāqāt se thā

dil ke bujhne kā havāoñ se gilā kyā karnā
ye diyā naza.a ke aalam meñ to kal raat se thā

markaz-e-shahr meñ rahne pe musir thī ḳhilqat
aur maiñ vābasta tire dil ke mazāfāt se thā

maiñ ḳharāboñ kā makīñ aur ta.alluq merā
tere naate kabhī ḳhvāboñ ke mahallāt se thā

lab-kushā.ī pe khulā us ke suḳhan se iflās
kitnā ārāsta vo atlas-o-bānāt se thā

mujh se muKHlis tha na waqif mere jazbaat se tha
us ka rishta to faqat apne mafadat se tha

ab jo bichhDa hai to kya roen judai pe teri
yahi andesha hamein pahli mulaqat se tha

dil ke bujhne ka hawaon se gila kya karna
ye diya naza ke aalam mein to kal raat se tha

markaz-e-shahr mein rahne pe musir thi KHilqat
aur main wabasta tere dil ke mazafat se tha

main KHarabon ka makin aur talluq mera
tere nate kabhi KHwabon ke mahallat se tha

lab-kushai pe khula us ke suKHan se iflas
kitna aarasta wo atlas-o-banat se tha


Leave a comment

+