Subscribe to our newsletter and get our newest updates

Badar Jamali

  • Ghazal


hijr mein jo ashk-e-chashm-e-tar gira


hijr meñ jo ashk-e-chashm-e-tar girā
ik payām hāl-e-dil ban kar girā

dostoñ ke tanz kā ek ek tiir
barq ban ban kar mire dil par girā

jab uThāyā bazm se us shoḳh ne
maiñ uThā uTh kar chalā chal kar girā

vaa.e ik muflis kā thā sab kuchh vahī
in dinoñ sailāb meñ jo ghar girā

kyā ġhazab hai zindagī kī dauḌ meñ
rāhzan aage baḌhā rahbar girā

hijr mein jo ashk-e-chashm-e-tar gira
ek payam haal-e-dil ban kar gira

doston ke tanz ka ek ek tir
barq ban ban kar mere dil par gira

jab uThaya bazm se us shoKH ne
main uTha uTh kar chala chal kar gira

wae ek muflis ka tha sab kuchh wahi
in dinon sailab mein jo ghar gira

kya ghazab hai zindagi ki dauD mein
rahzan aage baDha rahbar gira


Leave a comment

+