Subscribe to our newsletter and get our newest updates

Jaan Nisar Akhtar

  • Ghazal


jab lagen zaKHm to qatil ko dua di jae


jab lageñ zaḳhm to qātil ko duā dī jaa.e
hai yahī rasm to ye rasm uThā dī jaa.e

dil kā vo haal huā hai ġham-e-daurāñ ke tale
jaise ik laash chaTānoñ meñ dabā dī jaa.e

inhīñ gul-rañg darīchoñ se sahar jhāñkegī
kyuuñ na khilte hue zaḳhmoñ ko duā dī jaa.e

kam nahīñ nashshe meñ jaaḌe kī gulābī rāteñ
aur agar terī javānī bhī milā dī jaa.e

ham se pūchho ki ġhazal kyā hai ġhazal kā fan kyā
chand lafzoñ meñ koī aag chhupā dī jaa.e

jab lagen zaKHm to qatil ko dua di jae
hai yahi rasm to ye rasm uTha di jae

dil ka wo haal hua hai gham-e-dauran ke tale
jaise ek lash chaTanon mein daba di jae

inhin gul-rang darichon se sahar jhankegi
kyun na khilte hue zaKHmon ko dua di jae

kam nahin nashshe mein jaDe ki gulabi raaten
aur agar teri jawani bhi mila di jae

hum se puchho ki ghazal kya hai ghazal ka fan kya
chand lafzon mein koi aag chhupa di jae

Videos
This video is playing from YouTube Videos
This video is playing from YouTube Jaan Nisar Akhtar RECITATIONS Nomaan Shauque



00:00/00:00 jab lagen zaKHm to qatil ko dua di jae Nomaan Shauque

Source: Rooh-e-Ghazal,Pachas Sala Intekhab

Leave a comment

+