Subscribe to our newsletter and get our newest updates

Badnam Nazar

  • Ghazal


dil-o-jaan ke fasane kya hue sab


dil-o-jāñ ke fasāne kyā hue sab
mohabbat ke tarāne kyā hue sab

yahāñ kuchh sūfiyoñ kā ghar thā pahle
vo un ke āstāne kyā hue sab

purānā peḌ bargad kā kahāñ hai
parindoñ ke Thikāne kyā hue sab

kahāñ haiñ shahr ke be-fikr bachche
masarrat ke ḳhazāne kyā hue sab

barastī thī mohabbat āsmāñ se
vo bārish ke zamāne kyā hue sab

tire ash.ār par ye chup sī kyuuñ hai
'nazar' tere divāne kyā hue sab

dil-o-jaan ke fasane kya hue sab
mohabbat ke tarane kya hue sab

yahan kuchh sufiyon ka ghar tha pahle
wo un ke aastane kya hue sab

purana peD bargad ka kahan hai
parindon ke Thikane kya hue sab

kahan hain shahr ke be-fikr bachche
masarrat ke KHazane kya hue sab

barasti thi mohabbat aasman se
wo barish ke zamane kya hue sab

tere ashaar par ye chup si kyun hai
'nazar' tere diwane kya hue sab


Source: Rooh-e-Ghazal,Pachas Sala Intekhab

Leave a comment

+