ġhazal tum ko sunāne ke bahāne DhūñD letā huuñ
maiñ yuuñ hī muskurāne ke bahāne DhūñD letā huuñ

maiñ kāfir huuñ ḳhudā ke dar kabhī sajda nahīñ kartā
magar maiñ sar jhukāne ke bahāne DhūñD letā huuñ

koī bhī khel ho maiñ ehtiyāt itnī barattā huuñ
maiñ pahle haar jaane ke bahāne DhūñDh letā huuñ

nahīñ dikhtā hai mujh ko Thiik se ab duur kā kah kar
tire nazdīk aane ke bahāne DhūñD letā huuñ

maiñ us ke dar pe jā kar māñgtā huuñ haath jab terā
ḳhudā ko āzmāne ke bahāne DhūñD letā huuñ

tirī mahfil meñ aatā huuñ pahan kar dhuup kā chashma
nazar tujh par Tikāne ke bahāne DhūñD letā huuñ

maiñ lā-javāb huuñ lekin hai aqīda eid par merā
gale tujh ko lagāne ke bahāne DhūñD letā huuñ

hai maqsad ye ki logoñ ke kalejoñ ko mile ThanDak
maiñ apnā dil jalāne ke bahāne DhūñD letā huuñ

bahut zoroñ se hañs paḌtā huuñ maiñ bin baat ke aksar
maiñ yuuñ aañsū bahāne ke bahāne DhūñD letā huuñ

ghazal tum ko sunane ke bahane DhunD leta hun
main yun hi muskurane ke bahane DhunD leta hun

main kafir hun KHuda ke dar kabhi sajda nahin karta
magar main sar jhukane ke bahane DhunD leta hun

koi bhi khel ho main ehtiyat itni baratta hun
main pahle haar jaane ke bahane DhunDh leta hun

nahin dikhta hai mujh ko Thik se ab dur ka kah kar
tere nazdik aane ke bahane DhunD leta hun

main us ke dar pe ja kar mangta hun hath jab tera
KHuda ko aazmane ke bahane DhunD leta hun

teri mahfil mein aata hun pahan kar dhup ka chashma
nazar tujh par Tikane ke bahane DhunD leta hun

main la-jawab hun lekin hai aqida eid par mera
gale tujh ko lagane ke bahane DhunD leta hun

hai maqsad ye ki logon ke kalejon ko mile ThanDak
main apna dil jalane ke bahane DhunD leta hun

bahut zoron se hans paDta hun main bin baat ke aksar
main yun aansu bahane ke bahane DhunD leta hun