Warning: session_start(): open(/tmp/sess_akl82r02o531bk8mvppgiaivm3, O_RDWR) failed: No space left on device (28) in /razi/eraazi/darbari/chunmun/index.php on line 15
wo KHwab KHwab faza-e-tarab nahin aai

Subscribe to our newsletter and get our newest updates

Obaidullah Aleem

  • Ghazal


wo KHwab KHwab faza-e-tarab nahin aai


vo ḳhvāb ḳhvāb fazā-e-tarab nahīñ aa.ī
ajiib hī thī vo shab phir vo shab nahīñ aa.ī

jo jism o jaañ se chalī jism o jaañ talak pahuñchī
vo mauj-e-garmi-e-ruḳhsār-o-lab nahīñ aa.ī

to phir charāġh the ham be-charāġh rātoñ ke
palaT ke guzrī huī raat jab nahīñ aa.ī

ajab the harf kī lazzat meñ jalne vaale log
ki ḳhaak ho ga.e ḳhu-e-adab nahīñ aa.ī

jo abr ban ke barastī hai rūh-e-vīrāñ par
bahut dinoñ se vo āvāz-e-rab nahīñ aa.ī

sadā lagā.eñ aur apnā mazāq uḌvā.eñ
ye ahl-e-dard pe uftād kab nahīñ aa.ī

kiyā hai apne hī qadmoñ ne pā.emāl bahut
ye ham meñ kaj-kalhī be-sabab nahīñ aa.ī

wo KHwab KHwab faza-e-tarab nahin aai
ajib hi thi wo shab phir wo shab nahin aai

jo jism o jaan se chali jism o jaan talak pahunchi
wo mauj-e-garmi-e-ruKHsar-o-lab nahin aai

to phir charagh the hum be-charagh raaton ke
palaT ke guzri hui raat jab nahin aai

ajab the harf ki lazzat mein jalne wale log
ki KHak ho gae KHu-e-adab nahin aai

jo abr ban ke barasti hai ruh-e-viran par
bahut dinon se wo aawaz-e-rab nahin aai

sada lagaen aur apna mazaq uDwaen
ye ahl-e-dard pe uftad kab nahin aai

kiya hai apne hi qadmon ne paemal bahut
ye hum mein kaj-kalhi be-sabab nahin aai


Source: Book : Mahr-e-Do neem (Pg. 13) Author : iftikhaar aarif

Leave a comment

+