hāl-e-dil sirf tumheñ ham ne sunāne ke liye
kitne alfāz likhe saare zamāne ke liye
khol rakkhe haiñ darīche isī ummīd ke saath
lauT aa.egī havā diip jalāne ke liye
us kā milnā hī muqaddar meñ nahīñ thā varna
ham ne kyā kuchh nahīñ khoyā use paane ke liye
jaane kab aa.egā vo merī mohabbat kā safīr
mere har ḳhvāb kī ta.abīr batāne ke liye
āñdhiyāñ barsar-e-paikār nazar aatī haiñ
merī ḳhvāhish ke charāġhoñ ko bujhāne ke liye
phuul se log baḌī duur se aa.e 'faizān'
taaj kāñToñ kā mire sar pe sajāne ke liye
haal-e-dil sirf tumhein hum ne sunane ke liye
kitne alfaz likhe sare zamane ke liye
khol rakkhe hain dariche isi ummid ke sath
lauT aaegi hawa dip jalane ke liye
us ka milna hi muqaddar mein nahin tha warna
hum ne kya kuchh nahin khoya use pane ke liye
jaane kab aaega wo meri mohabbat ka safir
mere har KHwab ki tabir batane ke liye
aandhiyan barsar-e-paikar nazar aati hain
meri KHwahish ke charaghon ko bujhane ke liye
phul se log baDi dur se aae 'faizan'
taj kanTon ka mere sar pe sajaane ke liye
Source: Book : Nuskha Hai Wafa (Pg. 63)
Leave a comment