rābta kyuuñ rakhūñ maiñ dariyā se
pyaas bujhtī hai merī sahrā se

hai masā.il se ab vahī uljhā
rishta joḌā hai jis ne duniyā se

ḳhushiyāñ imroz kī vo paatā hai
jo ki ġhāfil nahīñ hai fardā se

jis ko hāsil thiiñ ne.amateñ saarī
ab hai mahrūm āb-o-dāna se

hai ḳhudā kī nazar meñ aalī vahī
ḳhush-dilī se jo miltā adnā se

thī jise saaqī se 'zafar' nisbat
tishna lauTā vo bāda-ḳhāna se

rabta kyun rakhun main dariya se
pyas bujhti hai meri sahra se

hai masail se ab wahi uljha
rishta joDa hai jis ne duniya se

KHushiyan imroz ki wo pata hai
jo ki ghafil nahin hai farda se

jis ko hasil thin neamaten sari
ab hai mahrum aab-o-dana se

hai KHuda ki nazar mein aali wahi
KHush-dili se jo milta adna se

thi jise saqi se 'zafar' nisbat
tishna lauTa wo baada-KHana se

Source: Book : Ehsas ki Hijrat (Gazal Collection) (Pg. 25) Author : Zafar Imam Publication : Asri Sang-e-meel Publications, Patna (2008) Edition : 2008