Subscribe to our newsletter and get our newest updates

Hakeem Aagha Jan Aish

  • Ghazal


ilahi jaise hum us sham-e-anjuman se mile


ilāhī jaise ham us sham-e-anjuman se mile
isī tarah se har ik apne gul-badan se mile

mile na shaiḳh se dil aur na barahman se mile
mile to us ke ruḳh-o-zulf-e-pur-shikan se mile

mue pa qabr meñ kaun aur ḳhasta-tan se mile
kafan badan se mile aur badan kafan se mile

na tañg kar mujhe us ne kahāñ ye muñh paayā
ki gul kā ġhuncha tire ġhuncha-e-dahan se mile

bhulā de us ko abhī pal meñ chaukḌī saarī
nigāh-e-shoḳh agar āhū-e-ḳhutan se mile

ḳhudā ne qat.a kiyā hai tujhī pe ye jaama
phaban kisī kā tire kis tarah phaban se mile

vo chhoḌe kyūñki bhalā mashq dil jalāne kī
maza jise dil-e-āshufta kī jalan se mile

yahāñ to pech uThāyā kare dil-e-sad-chāk
sitam hai shāna vahāñ zulf-e-pur-shikan se mile

fazā-e-sīna meñ yuuñ hai hujūm aahoñ kā
daraḳht jaise ki aapas meñ hoeñ ghan se mile

huā ye hai hameñ irshād-e-mushfiqāna jo kal
ham ek bazm meñ haañ ek ahl-e-fan se mile

ki yaad rakh tū hai sheroñ meñ aib rabt-e-kalām
vo sher hoñ ki na hargiz suḳhan suḳhan se mile

aur ek is ke sivā yaad rakh ye hai ḳhūbī
vo tarz ho ki na tarz-e-nau-o-kuhan se mile

phir us ke ba.ad dam-e-sard bhar ke farmāyā
ye nukte ham ko sunā the baḌe jatan se mile

savere aage bayāñ ham ne kar diye yūñhī
bayān kījiyo jo shā.iqān-e-fan se mile

zahe nasīb tujhe is tarah milī daulat
vo jo mile bhī kisī ko to ek kaThan se mile

kaheñ suneñge ham aapas meñ dard-e-dil apnā
chaman meñ 'aish' jo ham bulbul-e-chaman se mile

ilahi jaise hum us sham-e-anjuman se mile
isi tarah se har ek apne gul-badan se mile

mile na shaiKH se dil aur na barahman se mile
mile to us ke ruKH-o-zulf-e-pur-shikan se mile

mue pa qabr mein kaun aur KHasta-tan se mile
kafan badan se mile aur badan kafan se mile

na tang kar mujhe us ne kahan ye munh paya
ki gul ka ghuncha tere ghuncha-e-dahan se mile

bhula de us ko abhi pal mein chaukDi sari
nigah-e-shoKH agar aahu-e-KHutan se mile

KHuda ne qata kiya hai tujhi pe ye jama
phaban kisi ka tere kis tarah phaban se mile

wo chhoDe kyunki bhala mashq dil jalane ki
maza jise dil-e-ashufta ki jalan se mile

yahan to pech uThaya kare dil-e-sad-chaak
sitam hai shana wahan zulf-e-pur-shikan se mile

faza-e-sina mein yun hai hujum aahon ka
daraKHt jaise ki aapas mein hoen ghan se mile

hua ye hai hamein irshad-e-mushfiqana jo kal
hum ek bazm mein han ek ahl-e-fan se mile

ki yaad rakh tu hai sheron mein aib rabt-e-kalam
wo sher hon ki na hargiz suKHan suKHan se mile

aur ek is ke siwa yaad rakh ye hai KHubi
wo tarz ho ki na tarz-e-nau-o-kuhan se mile

phir us ke baad dam-e-sard bhar ke farmaya
ye nukte hum ko suna the baDe jatan se mile

sawere aage bayan hum ne kar diye yunhi
bayan kijiyo jo shaiqan-e-fan se mile

zahe nasib tujhe is tarah mili daulat
wo jo mile bhi kisi ko to ek kaThan se mile

kahen sunenge hum aapas mein dard-e-dil apna
chaman mein 'aish' jo hum bulbul-e-chaman se mile


Leave a comment

+