sochtā huuñ ki haal kyā hogā
ġham tirā dil se jab judā hogā

merā ġham sun ke aur kyā hogā
fitna-gar muskurā diyā hogā

ḳhūb-rū bevafā bahut dekhe
koī tum sā na bevafā hogā

le chalā hai dil un kī mahfil meñ
nahīñ ma.alūm hashr kyā hogā

kar bhalā.ī ko aam duniyā meñ
ki bhalā.ī kā phal bhalā hogā

fasl-e-gul kī na baat kar ai dost
josh-e-vahshat mirā sivā hogā

mā-sivā sāġhar-o-subū ke 'naresh'
aur rindoñ ke paas kyā hogā

sochta hun ki haal kya hoga
gham tera dil se jab juda hoga

mera gham sun ke aur kya hoga
fitna-gar muskura diya hoga

KHub-ru bewafa bahut dekhe
koi tum sa na bewafa hoga

le chala hai dil un ki mahfil mein
nahin malum hashr kya hoga

kar bhalai ko aam duniya mein
ki bhalai ka phal bhala hoga

fasl-e-gul ki na baat kar ai dost
josh-e-wahshat mera siwa hoga

ma-siwa saghar-o-subu ke 'naresh'
aur rindon ke pas kya hoga