Subscribe to our newsletter and get our newest updates

Taban Abdul Hai

  • Ghazal


dilbar se dard-e-dil na kahun hae kab talak


dilbar se dard-e-dil na kahūñ haa.e kab talak
ḳhāmosh us ke ġham meñ rahūñ haa.e kab talak

us shoḳh se judā maiñ rahūñ haa.e kab talak
ye zulm ye sitam maiñ sahūñ haa.e kab talak

rahtā hai roz hijr meñ zālim ke ġham mujhe
is dukh se dekhiye ki chhuTūñ haa.e kab talak

aa.ī bahār jā.iye sahrā meñ shahr chhoḌ
muj ko junūñ hai ghar meñ rahūñ haa.e kab talak

zālim ko Tuk bhī rahm mire haal par nahīñ
'tābāñ' maiñ us ke jaur sahūñ haa.e kab talak

dilbar se dard-e-dil na kahun hae kab talak
KHamosh us ke gham mein rahun hae kab talak

us shoKH se juda main rahun hae kab talak
ye zulm ye sitam main sahun hae kab talak

rahta hai roz hijr mein zalim ke gham mujhe
is dukh se dekhiye ki chhuTun hae kab talak

aai bahaar jaiye sahra mein shahr chhoD
muj ko junun hai ghar mein rahun hae kab talak

zalim ko Tuk bhi rahm mere haal par nahin
'taban' main us ke jaur sahun hae kab talak

RECITATIONS Fasih Akmal



00:00/00:00 dilbar se dard-e-dil na kahun hae kab talak Fasih Akmal

Issue No. 5-6"

Leave a comment

+